Gespräch an der Bar

„Ein alkoholfreies Weißbier hätt i gern.“
„Muasst no Autofahrn, ha?“
„Na, i nimm an Bus.“
„Warum saufst na freiwillig so an Plempl?“
„Aus Glaubensgründen.“
„Bist Du epps so a Moslem?“
„Na. I glaub, dass mir a Alkohol ned guad tuat.“
„A so a Schmarrn. Des hod no koam echtn Mannsbuild gschadt!“
„Woasst, des is so: a jeda Mensch kriagt bei der Geburt a bestimmtes Quantum an Alkohol zugewiesen, das er im Lauf seines Lebens verkonsumieren darf. Der Oane mehr, der Andere a bisserl weniger. I hob an ganzn Haufn kriagt. Und des hab i ois scho komplett aufbraucht. Jetzt kriag i nix mehr.“
„Reschbegd!!!“

Andersrum

„A Helles, bittschön!“
„Ahh, bist heut mit der Trambahn da?“
„Na, warum?“
„Weilst freiwillig so a Hoibe trinkst.“
„Schmeckt ma hoid. Und was geht’s Di o?“
„Trinkst Du scho immer an Alkohol oda hat des gesundheitliche Gründe?“
„Mei, des schmeckt ma hoid.“
„Machts Dir was aus, wenn I mei Schorle trink?“
„Was sollt mia des ausmacha?“
„I moan ja nur. I wui Di ja ned in Gefahr bringa.“
„Wos fia a Gefahr?“
„I moan ja nur. Manche fühln si da ja angetriggert und kanntn an Rückfall erleiden.“
„Na, mit mir is ois in Ordnung. I trink scho immer.“